لازم نتكلم شوية الاول علي الاكسل و تيجي كلمة اكسل من كلمة "Excelent " ودة عشان كفائتة العالية في تخزين البيانات و التحكم الحسابي ليها و طبعا معادلاتة اللي بيستفيد منها كل الناس باختلاف وظائفهم
برنامج الاكسل مكون من ملايين الخلايا و دة بيسهل علينا اننا نخزن فية بيانات بالكمية اللي احنا عايزنها
هانبدي باول موضوع ودة هايكون عن المباديء و الاساسيات و
عايز افكركم ان المواضيع المكتوبة هنا من بحث شخصي و تجميع للمعلومات و كل فكرة
المدونة تكون شاملة و بالعامية علشان المعلومة تكون ابسط و الموضوع هايكون بالتفصيل الممل
و انت لو لقيت حاجة عارفة عديها و شوف اللي بعدة و هكذا لغاية لما تلاقي اللي مش
واضح بالنسبة لك و اعتذر علي التطويل و لكن بتمني ان اقرب الخطوات للناس كلها
نرجع تاني للاكسل بقي و نقول رقم واحد ازاي اشغل البرنامج او اجيبة منين او افتح الصفحة بتاعة الاكسل ازاي
احنا عندنا كذا طريقة بس ابسطهم هانبدا من كلمة Start اللي موجودة في الشمال من تحت و عليها علامة ويندوز و دة اللي بيكون فيها كل البرامج اللي انت مسطبها علي الجهاز بتاعك هاندوس عليها كليك هانختار All programs و منها هاندور علي Microsoft office اللي هانلاقي فية Microsoft office excel 2007 or 2003 و كدة انت فتحت البرنامج و دية الصورة للتوضيح
 |
و هايظهر شكل الشيت بالشكل دة
 |
ونبدأ الشغل في الشيت وهانعرف دلوقتي كل اداة في شريط الادوات نقدر نستخدمها في اية
وهانبدا بان احنا ندوس علامة الاوفيس اللي هو مكتوب علية رقم "1" في الصورة و منها هايفتح الاختيارات اللي تحت دية و منها هانوضح كل واحدة منهم استخدمها اية
أ -New الكلمة معناها جديد و بيقصد بيها انك لو عايز تعمل ملف اكسل جديد تدوس علية و بعدها بدوس علي كلمة create وبكدة انت عملت شيت اكسل جديد جاهز للعمل
ب - Open الكلمة معناها فتح و بيقصد بها انك عايز تفتح شيت اكسل موجود بالفعل فانت ممكن تفتح الشيت من جوة ملفات الكمبيوتر او انك تفتحة من البرنامج نفسة و دة بيكون من خلال الدوس علي Open هايظهر مربع هاتحدد المكان اللي موجود فية الشيت و بكدة انت فتحت الشيت الموجود فعلا في الملفات
ج - Save و الكلمة معناها حفظ و دة علشان تحفظ البيانات اللي انت عملتها علي الشيت و طبعا هايظهر مربع بيكون فية تحديد اسم الشيت اللي انت عايزة و المكان اللي هاتحفظة فية عندك علي الكمبيوتر
د - Save as و الكلمة معناها حفظ كـ بمعني لو انت عايز تحفظ الشيت بامداد مختلف بمعني انك لو شغال علي اوفيس 2007 و عايز تنقل شيت الاكسل لجهز زميلك و هو شغال علي اوفيس 2003 فاكيد الشيت مش هايشتغل عندة لازم تغير امتدادة لـ 2003 من خلال Save as
و - Print و معناها طباعة و منها بيظهر ثلاث اختيارات و هو print و بعدين يظهر مربع بيتم الاختيار منة اسم البرينتر و عايز كا م نسخة وهكذا و فية كمان Quick Print و دة بيخلية يطبع علي الطباعة اللي معمولة اساسي و نسخة واحدة و فية الاختيار الثالث اللي هو Pirnt preview و دة معناة معاينة قبل الطباعة علشان تشوف شكل الورقة قبل ماتطبع
ع - Prepare و الامر دة مش هاتحتاج منة دلوقتي غير امر واحد و هو encrypt document ودة علشان تعمل باسورد للشيت بيطلبة منك مرتين و بعد كدة محدش هايقدر يفتح الشيت غيرك بس خلي بالك علشان ممكن يمسحة خالص
غ - send و دة امر علشان تبعت الشيت بالايميل او بالفاكس مش هاشغل بالنا بية دلوقتي
و -Publish و دة علشان المشاركة في الشيت علي النتورك بيكون بين الاجهزة المشتركة
هـ - Close و دة علشان يقفل علشان يقفل الشيت مش البرنامج كلة
ق - دية بقي Excel opitions دية مهمة جدا بس بالنسبة للمبدتئين ميغيريش حاجة فيها علشان الشيت معايرة و الشغل علية يكون عادي و طبيعي
ك - Exit و دة خروج من البرنامج كلة
و هاوضح شوية بالصور
 |
الامر New علشان اعمل شيت جديد اشتغل بية |
 |
امر Open لفتح شيت موجود بالفعل |
 |
حفظ بامتداد مغاير لـ 2007 حفظ كـ 2003 مثلا زي ما في الصورة |
 |
للطباعة |
نبدا بقي في المهم اللي فية الشغل كلة
طبعا احنا عندنا ملايين الخلايا زي ما شرحنا الاول بس ازاي احدد الخلية اللي قصدي عليها زي ما قولنا ان الاكسل مكون من ملايين الخلايا و انت عارف انك بتتعامل مع برنامج مبيخمنيش بس بياخد منك اوامر دلوقتي في الصورة اللي تحت هاوضح ازاي نقرا الخلية اللي هي بالانجليزي "Cell "
ليست هناك تعليقات:
إرسال تعليق